e.l.f. haul

السلام عليكم ورحمه الله وبركاته

شلونكم ياجميلاتي

وصلتني طلبيتي من إيلف e.l.f .. وحبيت اشاركم فيها وبعضها ثاني مره اشتريه فبقولكم تجربتي معه

Eyebrow kit

جربته من اول ومستمره عليه وعاجبني جدددا ، جنب بودره وجنب شمع ماستخدم البودره ، الواكس جدا ناعم ولونه طبيعي مو غامق يعطي لوك قاسي ، درجتي ميديم

حقي القديم ومن جد ماستغني عنه ،


HD Blush

بلشرات اتش دي ناادر استخدامي للبلشرات السائله وكنت متخوفه منها ، حبيتها تندمج بسرعه بالفرشه وحتى لو كثرتي سهل تنقذين الموقف ، نقطه منه تكفي وزياده وثباته جميييل من اول مجربه لون والحين كملت الباقين


حجمه حلو مو كبير مره ولا صغير وعصار كانه فونديشن  ،

lock & seal

قطره جميله فاخر مناسباتي اعتمدتها بتثبيت الاي شدو البقمنت او القلتر ، وتستخدم للاي شدو لو تبغينه يصير ايلاينر ويقوى لونه ، لكن انتبهي لاتحطين القطره مباشره ع الاي شدو عشان ماينعدم الشدو كامل ، حبيتها وريحتني كثير ..


daily brush cleancer & makeup mist & set

مثبت للميك اب تحت التجربه

ومنظف يومي للفرش قبل كل استعمال .. تحت التجربه

ماسكرا شفافه للرموش ، والجنب الثاني للحواجب ايضا تحت التجربه ومتحمسه اكثر لها للحواجب ..


lip stain

هالشي الجميل مثل قلم السبوره خخ مره عجبني يخلي شفايفك ماكان عليها شي ولونه تووتي  ، تمنيت اني ماخذه الوان افتح تبين طبيعيه اكثر

lip balm spf 15

مرطبات شفايف بلون خفييف واس بي اف ١٥ حلووين وتقرص الشفايف شوي . ماتدبق وبالنسبه لي هذي اكثر شي استخدمه بحياتي استهلااك مرطبااات ..

لب تنت يشبه اللب بالم مينيرال وفيه اس بي اف ٨ مادري شمعني ثمنيه ! خخ مو مثل غيره ١٥

حلوو مثل الي قبله


cream eyeliner

ايلاينر موف سهل بالرسم اللون مو فاقع لا كانه بني ، ثباته متوسط والي تحب الالوان ، ملياان درجات منه طبعا ماستخدمه مع فرشته ..

هايلايت منه كذا درجه ع بنك وخربزي وهكذا ، مقارب جدا جدا للهاي بيم من بينفت اللهم هذا قوامه اثقل لكن بعد الدمج كلهم سوا

لكويد ايلاينر تحت التجربه

برونزز جمييل فيه شوي شيمر

كولور ستيك ، تقريبا هايلايت بلون خفيف ، تحت التجربه

هالمزيون للي تخاف تبقع الماسكرا ع جفنها او الشدو يتناثر ع خدها ، قلت نجربها ليش لا مع اني بكسل امسكها اكيد

منعشش لمنطقه العين ينفع قبل او بعد الميك اب ، ماظن بيكون له نتيجه غير انتعاش وتحت التجربه


بكذا خلصت طلبيتي 

نجي لطريقه الطلب ! 

انا اخذهم من الموقع مباشره وارسلهم لبريدي الامريكي مسويته عند موقع وردشيب 

تقريبا كل الاشياء قيمة الواحد ٣ دولار ، وكانو مسوين ٥٠ ٪ يعني مايجي سعر المنتج ٦ ريال بعد الخصم وقبل ١٢ ريال ..

متوفره الماركه عند التاجرات باسعار تبدا من ٢٠ وطالع وراسم الحواجب ٥٠ ريال تقريبا 

وغير متوفره بالاسواق ..   

وبس ياجميلاتي الحلوين

شاركوني تجاربكم لاي شي عجبكم او ماعجبكم من إيلف

الله يحفظكم