Dec fav مفضلات ديسمبر

صباح الخيرر 

يارب كلكم طيبين 

انا ادري ان يناير بيخلص وانا بنزل مفضلات ديسمبر ، بس معليش الاختبارات وماتسوي .. 

مفضلات الشعر ::

شامبو فيتشي لازاله القشره والدهون الي ع فروة الرأس ، ممتاز جداا وفادني كثير بعد حملتي الشرسه لازاله الدهون بعد استخدامي للمكاديميا الي بتكلم عنها تحت .. 

عن اختيارك ركزي ع نوع فروه راسك جافه بيكون المستحضر اشبه بالشيره وخفيف 

دهنيه بيكون مقارب جدا لعصير المانجو 

والعلبتين نفس الشكل ،، 

السعر ٩٥ ومرات ٨٥ حسب الصيدليه 

اول استخدام بتلاحظين الفرق واتركيه ع شعرك دقيقتين .. 

 عطر شانيل نامبر 5 للشعر 

ريحته قويه لكن سرعان ماتبردد احبه ومهم جدا خصوصا للمناسبات بعد استخدام مثبتات الشعر فتبخين لتغيير ريحتهاا .. 

السعر ٢٢٥ ريال 

سيروم للشعر من مكاديميا 

هو وماسك الشعر الوحيدين المفضلين عندي من المجموعه كامله .. 

المكاديميا مناسبه جدا لاصحاب الشعور الجاافه الخشنه ، غير كذا انسسي خلت شعري كاني هنديه مهما اتروش مايفيد فيني والله باليوم مرتين اغسل شعري عشان اشيل مفعولها ! 

طبعا تركتها مع ان كنت اعشق ريحتها 

واستقريت ع البلسم مره بالاسبوعين  ، والسيروم بعد كل استحمام على اطراف الشعر يعطي ريحه حلوه وترطيب ويجفف الشعر بوقت اقل .. 

السعر تقريبا ٨٠ ان ماخاب ظني ومتوفر بفروع نزيه .. 

مفضلات اليد والاقدام ::

مجموعه البيبر منت من ذا بودي شوب 

سكراب وكريم مرطب و بخاخ للاقدام 

السكراب ، جمييل وريحته فتنه بالنسبه لي لان احب الاشياء المنعشه بالنعناع والي تخلي الرجل تتنفس  

المرطب حلوو وخاصه  بعد استخدام السكراب يربط ويعطي نعومه وريحه 

البخاخ ماحسيت بثبات فريحته لمن افسخ الشراب الله يكرمكم ، فصرت ابخه على الاحذيه قبل اللبس  .. 

سعر الواحد تقريبا ٤٥ مو متذكره بالضبط 

مرطب الايدي والاظافر باللوز 

جمييل وتعجبني ريحته ،، لاحظت تقويته لاظافري اضافه للترطيب العام لليد وبنفس الوقت استخدم معه مقوي الاظافر من اكرينال فمادري ايت فيهم صاحب المفعول الاقوى ، لكن من ناحيه الكاتيكلز رطبها لي كثيرر وماستغني عنه ابددا

سعره ٥٤ ريال 

مفضلات الميك اب :: 

فيس ٢ من اوربن ديكاي 

باليت ليمتد ايديشن اصدار لفتره محدوده 

حبيتتتته جدا جدا جدا .. كل لون فيه قصصه لحاله سواء الفضي وقوه اللون من اول تمريره للفرشه او باقي الالوان كلها ممتازه ، جاتني استفسارات اذا يتناثر احس حسب الفرشه الي تستخدمينها ، الباليت بس فيه ٣ الوان مات فقط 

الي ماعندها فيس ١ تلحق على ٢

سعره انا اخذته اون لاين من موقعم ٢١٢ ريال ، متوفر عند التاجرات بسعر ٣٥٠ ريال للي مايقدرون يطلبون اون لاين 

بلشر كريمي وينفع للشفايف ايضا ، ماحبه للشفايف لكن فاااتن للخدود ، توريد طبيعي وتقدرين تتحكمين باللون 

من ايسينس ب ٩ ريال اتوقع < الله يديم الرخص 

متوفره بمحلات الميك اب العاديه 

بي بي كريم من غارنييه 

الاصدار الجديد المخصص للبشره المختلطه والدهنيه 

الاصدار الاول بالبدايه مشي تمام معي بعدين طلع لي حبوب وكانت ريحته تكتمني 

هذااا بدون ريححه ومايدهن بشتري وثاابت ماكنه بي بي كريم مقارنه بتغطيته  ، مرره احبه ومعتمدته للدوام 

مقوي ومنبت الرموش من مافالا 

جمييل لكن مع الاستمرار ! لاتتركينه وتقولين ماشفت نتيجه 

استمري وراااح يعجبك وممتاز ايضا لصاحبات الحواجب الخفيفه حطي عليها وبنبت شعر باذن الله 

من القزاز وصارت البراند متوفره بالنهدي .. يمكن ب ٥٠ ريال 

عادي جددددا اني احطه بكل بوست واعبر عن حبي وعشقي له 

مزيل ميك اب وتونر ومنظف وكل شي بنفس الوقت 

مثل المويه ماله قوام زيتي ولا كريمي ! غالبا يناسب جميع البشرات البعض قليل اصابهم تحسس منه 

مكياج العين الثقييل ماعليكي الا تحطين منه بقطنه وحطيه مثل الكمادات ع العين ل ٢٠ ثانيه وشيلي وحتشوفين وش يطلع معك 

لكن مكياج الوجه مهما استخدمتي راح يظل يطلع معك ، بالنسبه لي اكتفي بمره وبعده كلارسونيك 

سعرع يختلف اانا اخذ العرض ٢ وسط مع واحد صغير ب ١٩٥ اتوقع 

موجود فاغلب الصيدليات ..

شور جيل سنو فيري من لش 

ليمتد ايدشن للكريميس ينزل كل سنه 

ريحته كانك حلاوووه يجنن شميه اول لان ممكن مايعجبك 

وبس ياجميلاتي

ايش من مفضلاتي مفضله لكم بعد ؟