السلام عليكم ورحمة الله وبركاته
كيفكككم مع الاجازه ؟ والاستعدادات لرمضان الله يبلغنا اياه بصحه وعافيه ..
اغلبكم عارف اني امس وصلت من السفر وعارفه نفسي لو دخلت الاغراض بالدواليب واماكنها مستحيل اجمعها مره ثانيه واصورها هههههه
فقلت يالا يانوره انشطي وصوريهم بعدين رتبيهم ..
بسم الله نبداا
اول شي بقولكم الي تحب الادوات المنزليه واشياء غرف النوم والمطبخ بتستمتع كثيررر بتركيا لان محلاتهم تجنن وجنب بعض مجموعة محلات بكل مول .. بالنسبه لي قضيت اغلب وقتي فيها لمن اكون بالسوق وسحبت على الملابس ..كان ودي اخذ اكثر من كذا بس مثل مانتم عارفين الوزززن يخوف وكل ماشريت شي اهلي قالو لاتنسين الوزن وشنطتي طلعت اثقل وحده وفيها زياده بعد خخ
طولت عليكم بالكلام ويالااا نبداا
راح ابدأ بالاشياء الي من محل انقلش هوم وتلقونه باغلب المولات عندهم
وهذا الرابط حقه
زووم
زووم
زووم
مرايل طبخ كيوووت من مده وانا ابغى اطلب اون لاين وتصادف مواقع ماتقبل فيزتي ومن هالامور ، جدا وقعت فحبهم ومليان اشكال واغلب محلاتهم تبيع ويمديكي تطقمين ديكور سفرة الطعام وسلة الخبز مع المريله ،،
حلوين صح ؟
كيس قماش وملبس زي النايلو او ماده ماتخليه يتوسخ وسهل تمسيحه ، اليد حقته طويله تسهل انك تحطينه ع كتفك وانتي حاطه فيه اشياء طويله او ثقيله ، اول ماشفته تذكرت قهوتنا فالجامعه ههههه وقلت يفك ازمه ..
صواني حبيتهم عندي تشبه لهم من روائع المكتبات ، هذولا حلوين 3 مقاسات مع بعض ..
بوكسات حديديه حلوه للبسكوت والاشياء الي دايم تنحط بالصاله مع القهوه ..
كفر للحاف السرير ومخدات ، عندهم تشكيله كبيره تحتارين فيها صراحه وحجمهم حلو وسهل حمله معك بالطياره ماينخاف عليه انه ينكسر او اي شي ،، وشوفوه بالصور فوق لبسته سريري خخ
وهذا واحد ثاني ، تحسون عندنا مافي تشكيله كبيره ! اغلبه من ايكيا وكم محل ، نادر القى اشياء كيوت وتكون تتلبس ع اللحاف ، انتبهو اذا اخذتو فيه نفس الشكل بس مايكون كفر للحاف لا يكون شرشف خفيف تتغطون فيه ، فركزو فالكتابه او اسالو ،
شور جل وبودي لوشن وشمعه وبودي سبريه وملح للجسم .. الريحححه عالم اخر ريحتي اسمها سوفت وكنت حاطه فبالي اشتري مجموعات جسم مي متوفره عندنا والحمددلله لقيت ،،
انقلش هوم عنده اشياء لغرف النوم وشوي للجسم وبجايم ، شريت ونسيت اصورها البجامه ، باختصار عالم تدخلين مااتطلعين
--
محل مدام كوكو دخلت فرع صغير بجواهر مول وكان زحمه والناس فوق بعض على قسم المناشف واللحف ، اخذت نفسي لقسم الجسم لانه حقيقي من بوابة المحل ريحة الشور جل تفوووح
هذا راببط المحل واظن ماهم كاتبين بلغه غير التركيه
اخذت شور جل وبودي لوشن وبودي سبريه نفس الريحه وعجزت اقراهاا خخ وانقهرت لمن طلعت شفت شموع منحشره بركن كان ودي اخذ بس الجايات اكثر باذن الله
للاسف الاخ شور جل مع اني مغلفته وحاطته بكيس وسط الشنطه الا انه انفك وعددم اشياء كثيرر ونصه هو راحح ، الي مهون علي كل مامشي اشم ريحته بمكان خخ بسبه انه انكب حتى على كتاب جديد :(
--
شموع اور اون ، لقتهم ساره وسط بوتيك ملابس بزورلو مول ، بنفس صف لاكوست ،،
هذا رابط ماركة الشموع
هذي حصيلتي وساره اخذت روايح ثانيه
الي جذبننني الجااار ع قول البنات فالانستغرام كانها سموذي والريحه تجنن ومليان حسب الاذواق ،،
الي فوق مقسمه 3 روايح وحجمها كبير ، والي تحت ميني ريحه وحده ،،
--
محل تذكارات وسط قصر توبكابي
كيس بلاستيكي المفروض يعطونه فوقه البيعه لكن كل ي بحقه عندهم خخ ، الصوره الي هنا البوابه اسمها باب السعاده يدخل للقصر وتحتها يقعد السلطان ويجون يسلمون عليه الحشود ويقولون له مطالبهم واحتياجات الدوله ،،
كوب عجبني حجمممه متوسط ، اغلب الاكواب عندهم للشاهي او التركي ، فرحت لمن شفته ينفع للاتيه ،،
انا اكثر شي يعجبني الاتقان ، التغليف ببوكس آمن جدا لان طبيعي مكان للسياح بيشترون وياخذونه للطياره تشترين وقلبك متطمن مو تخافين ينكسرون ،،
كتاب عجبني انا وساره وتصفحناه سريع يتكلم عن الضرب للمراه ومن هالامور وتبكلم عنه فالانستغرام باذن الله ،،
فيه كتاب ثاني عندد سارونه شوفوه ومشوق ايضا ،،
،، هالمحل موجود باغلب الاماكن التاريخيه اشياءه الكواليتي احسه ممتاز وملياااان خرابيط تحتارون صراحه :(
--
محل بورلاند ، ادوات مطبخ ومواعين تصيح صراحه والله ادخل لحالي لان محد بيطاوعني من اهلي انه يقضي رحلته بمحل مواعين واقعد اتامل واتحسر واخذ الي اقدر اني انقله معي ،، :(
رابط الموقع عشان تتحسرون معي
كان ودي بنقشه ثانيه بس اغرتني البائعه بهذا ان عليه تخفيض وفررق بين سعر الي بدون واخذذته ،، حلو للفطور ولا ؟
فناجيل شاهيعنده تشكيله كبيرررررره تحتارين سواء من السيراميك او القزاز ،،
يقولون اني بحولهم للخواتم ع التسريحه خخ
--
خطاط ماشاء الله متقن ومخلص وسريع له كشك بجواهر مول
احترت اش اخذ واخذت فواصل للكتب ،، يسوي صحون واشياء كثير بس ماتنفع للاكل بس منظر فمافضلتها
رابط موقعه
--
فولمار
رابط موقعهم
الماركه تركيه موجوده عندنا بس الاسعار ارخص عندهم بحكم انها ماركتهم ، انا علاقتي عاديه مع الماركه واحترت وش اخذ ولا كنت ناويه علي مناكير فخليتهاا مناااكير
اخذت مجفف مناكير بخاخ و توب كوت ماصورتهم ، اخذت اثنين مات توب كوت لان تعبت وانا ادور ولا لقيت ففرحت فيه لمن شفته خخ مناكيرهم جوده ولمعه وسعر حلو والمات حلويين ايضا
اخذت برايمر للرموش ، وماسكرا الكترونيه جربتها لي البائعه عندهم وطلعت تجنننن ، قلت لها بجرب بنفسي العين الثانيه خخ ماطلع مثل النتيجه حقتها لكن مع المحاولات بيطلع زيها ان شاء الله
برايمر للوجه ساره قالت خل نجربه ،،
اخذت اكحال ومحددات بتكلم عنهم بعدين في حال كانو حلوين ..
--
بسكوت يمي يمي مررره اخدته من المطار لايفوتكم ،، الي تعرف وين ينباع عندنا ياليت تقول ..
--
تيشيرت باول فرانك ،، حطيته مع اني قلت مابنرل ملابس لان احسه من ضمن الاشياء الكيووت الي ابيكم تشوفونها خخ
بكل وشراريب من لاكوست احس سعر لاكوست فقططط ارخص عندهم من عندنا ، باقي الاشياء عندهم اغلا البكله ب ٤٠ ريال تقريبا ،،
--
قراتس الجميله مادري اوصفها صيدليه ولا محل ميك اب ولا ايش ، لكن تشبه بووتس على احلا طبعا
وتبيع ميك اب ذا بالم < عشان تتخيلون كيف هي حلوه :(
هذا رابطها
مناديل تشووق ع قوله حبيباتي الكويتيات ،،
فيه ع شكل روج وماسكرا وشفتهم بمره ثانيه واستحيت من نفسي اني اشرتي مناديل هههههه
قربه صغيرونه كنت ابيها من اول ، تحطينها بالمايكرويف وتصير حاره بدل المويه ،،
--
وبس ياحلوييين ، شاركتكم الاشياء الخربوطيه الي تسعدني ، الاكسسوارات والملابس والشوزات استثنيتهم لان مالي خلق اصورهم ههههه وحلاتها وهي اوت فت مو مرصوصين ورا بعض بصور
حطيت روابط كل المحلات عشان الي ناوي يروح ياخذ تصور اش موجود والاسعار وجربو يمكن عندهم شوبينق اون لاين
استودعتكم الله وانبسطو باجازتكم ...
اكاونتي بالانستغرام لتواصل تفاعلي اكثررر بيننا
1993norah@
love u
ياحلوك مره احب الهولز حقاتك
ReplyDeleteالمرايل مره حلوات
من زمان ادورلي و عجبوني شكلي بطقم معك ههههه
مرحبا اختي هل المواقع تجمع اغراضك ببكج واحد لاني افكر استخدم عنواني التركي ؟؟
ReplyDeleteمشترياتك رووعة وانتي ذووق
ReplyDelete