كيف اصور الجزء الثالث

السلآم عليكم ورحمة الله وبركاته 

يارب كلكم بخير 

هالجزء بالنسبه لي احسه بيكون خاتمه  الاشيآء المهمه والاساسيه 

والي اذا عرفتي تربطين ال ٣ اجزاء مع بعض راح تكونين بيرفكت ان شاء الله 

يبقى اشياء بدمجهآ مع بعض فجزء اضافه لآسئلتكم 

وزي ماقلت لكم بيكون فيه مسآبقه ان شاء الله وجدآآ متحمسه لهآآ .. 

وبسم الله نبدآآ

سرعة الغالق 

سرعة الغالق (Shutter speed) هو الوقت التي يأخذه غالق الكاميره ليظل مفتوح حتي تصل كميه من الضوء إلي حساس الصورة (سينسور) ومن ثم يظهر تأثيرها في صورتك.. وهذا الوقت يحدد بالثانية أو جزء من الثانيه.

وبتعريفي :

كمآن هو الوقت الي ياخذه الغالق من يوم تضغطين ع زر التصوير 

مرات تضغطين ويطلع صوت تشك ع طول تصورت الصوره 

ومراات تشيييييييييك ! صح ويطول بعدين تتصور الصوره !

هذآآ هو الغالق وبنتكلم عنه وعن سرعته 

آولآ وين القى سرعه الغالق بالكاميره !

هو الي مكانه مكتوب ١/١٢٥ 

بقسم معكم سرعه الغالق ل :

غالق بطئ

و 

غالق سريع 

السرعات البطيئه

مثل  ثانيه أو أكثر تستخدم في ظروف الاضاءه البسيطه أو لاظهار حركه الاشياء ولكن في هذه الحاله يكون من الصعب ان تمسك الكاميرا بثبات وانت تستخدم هذه السرعات البطيئه وبالتالي تكون النتيجه صوره مهزوزه ولذلك يجب استعمال حامل ثلاثي أو علي الاقل وضع الكاميرا علي شيء ثابت،

استخدامات السرعه البطيئه ؟

تستخدم السرعات البطيئه في العديد من مواضيع التصوير المختلفه وتختلف السرعات المطلوبه علي حسب الاستخدام مثل (التصوير اليلي - تصوير الطبيعه - تطويق الحرك - الخ).

امثله  !

هنا الاعدادات كانت !

f l11 فتحه العدسه

10 secسرعه الغالق 

 100 iso الايزو 

مع استخدام ترايبود (حامل ثلاثي )

نجي نشرح 

فتحه العدسه اخترت ١٠ ، لان مابي عزل بالصوره ! وابغى كل المحيط يبان ويظهر 

الايزو استخدمت ١٠٠ فقط لان فيه حامل ثلاثي ولان سرعه الغالق بطيئه يعني راح يدخل اضاءه كثيرره عبال ماتصور الكام 

صورت بالغروب بعد اذان المغرب وكان مافي نورر اطلاقا فال١٠ ثواني جمعت كل الاضاءه الجميله مع اعطى جمال ع مويه البحر . 

مثال ثاني ! 

الصوره ليست من تصويري 

ليش هنا استخدم غالق بطئ واكيد مع ترايبود !

لان الاضاءه خافته وتصوير ليلي ! 

فلاززم سرعه غالق بطيئه تسمح بمرور اكثر ضوء ممكن ومعقول  زي مانشوفها بالعين المجرده 

ننتقل للسرعات العاليه : 

لتثبيت الحركه وتجميد الاشياء المتحركه ولكن تحتاج هذه السرعات الي وجود مصدر اضاءه جيد أو استخدام ISO عالي مثل 400 أو ما شابه في حالات الاضاءه الغير جيده (مثل التصوير الرياضي أو تصوير الطيور او الاهداف المتحركه كالاطفال  - الخ).

نجي للامثله ! 

اخترت من تصويري السبلاش ، لان هو اكثر شي انا استخدم فيه الغالق السريع اضافه لتصوير الاطفال .. 

هنآآ الاعدادات عموماً !

الايزو :١٠٠ لان الاضاءه كافيه ووافيه من اضاءه الاستديو فما احتجت ارفع 

فتحته العدسه : ١١ لان ابغى كل السبلاش والقطرات المتطايره تبان بوضوح وحده 

سرعه الغالق : ١/١٢٥ وبعضهم  ١/٢٠٠ 

بيكون سريع نسبيا بحيث تتصور اللقطه قبل مايروح السبلاش 

انسآلت كثير وشو السبلاش splash ؟ 

 السبلاش هو انك تجيبين كوب ، علبه ، اي شي ممكن ينحط جوته سائل وفيه امثله لسبلاش داخل جزمه رياضيه اكرمكم الله 

وتحطين داخله السائل ويكون معك شخص ثاني يرمي اي شي داخل الكوب ، مثلا كوره صغيره وانتي تصورين بسررعه مع الاعدادات المعده مسبقاً . 

لكن الي يحسبون السبلاش اني امسك الكوب وارميه بالارض واصور بسرعه خطااااا جدا .. 

معلومه !

 سرعه الغالق لها علاقه وثيقه بفتحه العدسه والISO وكل مصور يستخدم الخليط المناسب من سرعه الغالق وفتحه العدسه والISO المناسب للحصول علي الصوره المطلوبه والتعريض المناسب علي حسب موضوع التصوير .

*

كل ماكانت سرعه الغالق بطيئه = الضوء الداخل اكثر 

كل ماكانت سرعة الغالق سريعه = الضوء الداخل اقل 

وبس ياحلوين 

يارب تكونون استفدتوو واي سؤال انا موجوده 

اذا تبون اجاوب ع شي معين او اكتب عن شي كلموني 

twitter

او 

formspring