كيف اصور الدرس الثاني الآيزو iso

السلام عليكم ورحمة الله وبركاته 

كيفكم يآجميلآتي 

الحمدلله البوست الاول فالتصوير لقى اعجاب كبير وحمسني للبوست هذآآ 

شكرا لكم 

وبسم الله نبدآآ

-

اليوم رآآح اتكلم عن الآيزو iso 

كثير جدا من مقتنين الكاميرات الاحترافيه يحاولون يغيرون الاعدادات ومايعرفون وش هو الايزو ! 

الايزو بتعريفه العلمي :

 حساسية الكاميره للضوء 

ولككن بتعريفي : 

هي مجموعة ارقام تبدآ عادة من ١٠٠ وتنتهي ب ٣٦٠٠ تقل او تنقص حسب جوده الكاميره ، بين كل رقم ورقم يزيد الضعف يعني ١٠٠،٢٠٠،٤٠٠،٨٠٠ وهكذآآ فائدتها زياده الضوء فالصوره

ورينى شكل الايزو بالكاميره  ؟

هذآ هو ، عاده يكون له زر بالكام ومكتوب عليه iso في حال ضغطتيه يطلعلك مثل الصوره بشاشة الكاميره 

طيب وش فايدته ؟ 

مصممين الكاميرات بعد ماصممو الكاميرات وكل شي تمام ، لاحظو ان التصوير بالليل او بالاضااءه الخافته يكون باهت ومشوش وظلام ومهتز لو بدون ترايبود *الحامل الثلاثي* 

فقامو صممو الايزو الي يقوم على رفع الاضاءه بالصوره ومحاوله تجميع اكثر ضوء ممكن 

طيب كيف اعرف كم احط الايزو ؟ 

قاعده بسيطه * 

الضوء كافي عندك ؟ نهااار وشمس او بمكان اضاءته قويه ! تستخدمين فلاش ! تصورين باضاءه استديو ؟ 

اقولك الايزو لايتحرك عن رقم ١٠٠ فقط وبقولكم ليه بعدين 

لآآ انا الاضاءه خافته عندي جددا ومامعي حامل ؟

آقولك ارفعي الايزو شوي شوي وجربي صوري لين تحسين الصوره اوك 

ولاتحطينه على طول على اكبر رقم والحين بقولك ليش 

وش عيوب الايزو اذا رفعت الرقم ووصلته ١٦٠٠ مثلا ؟ 

عيبه الوحيد يسبب تحبب بالصوره 

كيف تحبب ؟ 

زي كذآ التحبب شوفي مكان الظل عاليمين وعلى نفس التفاحه 

هنآ قد يكون خفيف فيه مرات يكون واضح جداا خصوصا لو فيه عزل للخلفيه 

انا بكافيه او مطعم والاضاءه صفرا وخفييفففه وابي اصور  وكل ماصور تجي الصوره مهزوزه مرره ؟ :( 

اقولك مثل فوق ارفعي الايزو 

وهالصوره توضحلك الفرق 

شفتو شلون ع ٨٠٠ صار تمام ..

انا شخصيا بالمطاعم والحفلات  بدون اي تفكير ارفع الايزو  اوصله ٨٠٠ ، ومرات اكثر لان ماحب الفلاش وشي اكيد مامعي حامل ثلاثي الترايبود  فمالي الا الجميل ذآ . 

طيب انا مابي صوري فيها تحبب ؟

اقولك لين ٨٠٠ الايزو انتي بالسليم ان شاء الله ومابيكون التحبب قوي 

وبعد لو كاميرتك ذات تقنيه عاليه ومرتفعه بيكون التحبب خفيف جدا 

-

بكذا ياجميلآتي قلت الي عندي عن الايزو وان شاء الله تستفيدون 

باقي درس واكمل ٣ اشياء مهمه جددا 

العزل فالبوست الماضي 

الايزو هالبوست

وسرعة الغالق البوست الجاي اذا  ربي اراد 

في حال اكتملت ال ٣ راح اسوي مفاجآه ويارب تعجبكم ، بس شرطها انكم تكونون فاهمين خخ من الحين الي مافهمت شي تسال لوول 

اي  سؤال او استفسار

تجدوني هنآآ

twitter