lip palms مرطبات الشفايف

السلام عليكم ورحمة الله وبركاته

يااه قبل كم يوم بداا رمضان والحين بيخلص :(

الله يعيده علينا اعوام عديده وازمنة مديده

هالبوست ببالي من زمان ، وكل ماخلصت مرطب شفايف حطيته ع جنب لين صارو ٧ خخ

واصدمكم انه مو من ضمنهم لا لابيلو ولا بيزلين للحين ماجربتهم ، ماخبر لابيلو الا وانا ابتدائي افرحححح اشتريه من الصيدليه ويقاله روجج

وبسم الله نبدآآ

الاول :

Aloe dent , Aloe vera lip balm 

مكان التواجد : بكل الصيدليات  

اول واهم شي لاحظته فيه انه سوودد شفايفي هنا قلت ستوب عليه خخ حاولت افكر وانه مو منه لكن مالقيت شي غيره سبب فهالاسمرار المفاجئ .. فاحس هالنقطه اهم من انه يرطب او يعالج 

الثاني : 

Himalaya , nourishing lip balm 

مكان التواجد : كل السوبر ماركتات 

حبيب البي ، مره جميل وريحته حلوه وحقيقي مغذي للشفايف قوامه واحساسه ع الشفايف شبيه بالفازلين بس ع اثقل ، 

انصح فيه .. 

الثالث :

GNC , your lip balm 

مكان التواجد : جي ان سي ، ومرات كثير القاه مخلص ، 

يجنن صغيروون وطعمه لذيذ خخ ب 5 دقايق اخلصه من شفايفي ترطيبه حلو مايعطي لون باهت لشفايفك وبنفس الوقت مايعطي لون مورد عادي يعني ،  وسعره 5 ريال يازين الرخص بس ، ترطيبه جميل ريحته فراوله وفيه روايح ثانيه ،

الرابع :

  ,

 bath and body work , true blue spa 

sunscreen

اماكن الشرا : باث اند بودي وركز 

هذا احسه التوب فيهم ، اول شي اس بي اف ١٥ يعني يريح وماتخافين لو تعرضتي للشمس وانتي حاطته ، ثاني شي لاحظت يورد الشفايف خصوصا لو حطيته ونمت اصحى القي توريد جميل ، يرطب واهم شي يزيل التشققات يعني احب المرطب الي يتغلغل ويرطب مو بس من برا ريحته برتقال مو مزعجه مع كرهي للبرتقال فالمنتجات ،

الخامس :

biggs featherbelle ، 

soul kiss 

اماكن الشرا : طلبته اون لاين من درق ستور 

جميل من كل النواحي يعيبه ريحته قوييه وتصدع وحسب ماهم كاتبين فالفيتامينات والزيوت المكونه له جداً ممتازه ومن ناحيه الترطيب هو وباث اند بودي يتشابهون .. وصدقاً وقفت استخدامه احس كانه فيه شي من مشتقات الخنزير مالقيت شي يدل ع كذا بس الاحيتاط واجب ،، 

السادس :

MAYBELLINE , baby lips

اماكن الشرا : مايبلين بسنتر بوينت مثلا .. 

ريحته حلوه ، احساسه ع الشفايف زيتي اكثر من ماهو كريمي او مرطب ، يعطي لون ع موف او حسب نوع حقك ، 

مانصح فيه كثير فيه افضل .. 

eos 

اماكن الشرا : اون لاين او التاجرات .. 

هالجميل احس جزء كبير من سحره هو العلبه حقته .. اخوي الصغير اول ماشافه يحسبه ديودرنت صغير:(((( واشوى لحقته قبل مايجرب هههههه 

ريحه وطعم خخ ، ترطيبه الحق يقال ماحسه واو بالنسبه لي مايطول ع شفايفي مثل حق جي ان سي مثلا ، سريع انه يروح لكن وقت ماتحطينه احساسه حلو وباخذ ان شاء الله كل الانواع منهه .. 

وبس ياجميلاتي ،، بكذا خلص البوست ويارب احد يستفيد لو نقطه .. 

xoxo 

ماستغني عن نصايحكم واقتراحاتكم للمدونه