السلام عليكم ورحمة الله وبركاته
--
بوست اليوم بيكون عن جمعتنا الرمضانيه ، كانت فبيتنا اليوم
طبعا بنات يعني مايجتمعون الا ع اكل خخ عوافي عليناا كلناا ..
بسم الله نبدآآ
طريقتي كانت طاوله منخفضه ناسيه وش يسمونها مع ان البنات قالولي ، ولبستها مفرش يناسب الستايل الرمضاني ، حطيت شموع وفوانيس صغار ، كان كل شي موجود ع الطاوله ماعدا مشروب بارد وبليله والايسكريم كانو بعد القهوه وكذا ،
اول شي المشروبات كانت :
قهوه عربي
سوبيا
وسعودي شامبين
الحلاا كان :
بسبوسه محشيه جبنه ،
كريم كراميل
مهلبيه
تشيز كيك
كنافه
ايسكريم وسوا فيني مقلب ،
وفراوله بالشوكلاته
الايسكريم مجربه اسويه من قبل ولذيذ ، لكن هالمره مدري مين ترك باب الفريزر مفتوح ! ويوم جيت بقدمه لقيته مايع ويقهر :( بس يالا خليت امول تذوقه خخ
المالح كان :
ميني برجر ملون
كبه
طعميه
بليله
ورق عنب
طبعا اللبس كان جلابيات ،
ومشكله الجوالات الابديه للحين ماقدرت اتخلص منها ، شكلي ببدا احط سله عند الباب والي تدخل تحط جوالها
وبما ان المصور مايتصور حاولت بعد جهد جهيد اصور طرفي خخ
وبس ياحلوين هذي كانت جمعتنا
افرح بمشاركتكم لي بجمعاتكم وغبقاتكم الرمضانيه
تويتر انستغرام او اي مكان
الله يحفظكم ،،
ما شاء الله كل شي يفتح النفس
ReplyDeleteالاكل والجلابيات وانتي طبعا ������
حلوووووو وشي يشهي
ReplyDeleteحبيبتي ابي اسال من وين الدله 😷😷
ماشاءالله كل شي جمييييييييل ومرتب
ReplyDeleteمشاء الله الله يعطيك العافية بس اتمني الرد ابي امحل يباع الجلابيات قصيرة وين احصلها في الريا ض التعرف ترد الله يوفق ابيها على العيد وشكرا
ReplyDeleteوووه كل شي روعه لو كملتي جميلك وحطيتي بالتفاصيل الاشياء الدله من فين والبرقر الملون والمواعين كلها اش شغل بيت ايش جاهز ههههههه حتختصري لستات البيوت المبتدئات
ReplyDeleteحبيبتي كل شي حلو
ReplyDeleteبس مايجوز تطلعون يديكم ورجولكم والشعر
اتمنى تتقبلين النصيحة بصدر رحب
ماساء الله شغل يفتح النفس
ReplyDeleteوالله يدوووم المحبة بينكم
مشاءلله تبارك الله
ReplyDeleteشغلكم روعه واللبس مبين روعه وذوق
الله يديم عليكم الفرحه
ماشاء الله جمعة جميلة. الله يهنيكم يارب
ReplyDeleteحبيت طريقة تقديمك. مناسبة لجو البنات بدل التكلف
سؤال يمكن يكون غريب شوي: الآيسكريم شكله لذيذ. ياليت تنزلين طريقته :$ ؟
تحياتي / خبطة