السلآم عليكم رحمة الله وبركاته
كيفكم يآجميلآآتي
اليوم بتكلم عن اجهزة الليس والفير والاستشوار الي استخدمهآ ..
وبسم الله نبدآ
الفير
من emjoi
نتائجه مره جميله .. لكن مره مانفع لي ليش !
زي مانتم شايفين مسارين للف الشعر ، بعدين تضغطين ع بوش push والزر مررره قوي يعور الاصباع !
اذا ضغطتي بوش المسارين تقرب من بعض وينحشر بينهم الشعر ، بعدين وقت مابتطلعين الخصله يتعقد وينشب ويعور !!
واللف يطفش
يعني يبي له رواقه ! وتعب ومليان اجهزه اسهل فاستغنت عنه ،
من جوسي ايبرjose eber
له مقاسات ١٩ ، ٢٥ ، ٢٠ اظن كذا الارقام وتتحكم بحجم الفه انا اخذت الوسط
معتمدته هو ولا شي غيره عوضني ، ليش !
اولا مافي ازارير اضغطها واحوس ، ومافي شي يمسك بالشعره ويتتعقد فيها لا مريح تلفين بنفس وتمسكين الخصله من ١٠ ل ٣٠ ثانيه وتتركينها ، وافضل تسحبينها بهداوه وتخلينها لين تبرد بعدين تفتحينها ..
لاااازم !
لاااززم تلبسين القلفز الي يجي معه ، والله انا وساره انحرقنا حروق جامده بيدنااا للاسف :(
والسبب كله من اول خصله اقول بس بجرب كيف اخلي اللفه ع فوق ولا تحت واكون مستعجله ومالبسه ! وانلسع
بنات لاتستهترون والله حااار خخ
للمعلومه استخدمه بدون استشوار ، بس امشط شعري واقسمه ،
طيب ماقدر اشتريه وش اخذ غيره ! اقولك تعالي تحت
من BABYLISS بيبي ليس
مكان الشراء ، اي سوبر ماركت او محلات التجميل
سعره ! جدا جميل اقل من 200 ريال ويمكن يكون 150 بعد اخذته من كارفور
فيه تحكم بالحراره ، خفيف الحجم
ممتاز فالاداء ، والحديده الي تسكر ع الشعر مفيده لو ماتبين تشغلين يدين يد تمسك الشعر ويد الجهاز ، ذي تريحك تمسكين بيد وحده والحديده خفيفه ماتعور يدك بالفتح مثل اول واحد ..
مايحتاج تلبسين قلفز معاه لان الراس مو حار ..
الستريتنرز straightener
من elite
فاشل بجميع المقاييس ، ثقيل ومايصير حار زي الناس والكفر الخارجي حقه مادته هبللله ماتتمسح ولا تتنظف ولا شي وتتقشر !
من waves
جاني هديه ، لكن موجود بمحلات التجميل ..
حرارته ممتازه وفيه تحكم بالحراره ، حجمه خفييف ، واظن سعره ممتاز بيكون
من جوسي ايبرjose eber
الحجم خفيف مو مره ثقيل
الاداء مرتاحه معاه الحمدلله ، هو والفير مافيهم تحكم بالحراره
فيه نوعين عندهم ، هذا يمديك تستخدمينه وتسوين شعرك ويفي وتقدرين ليس عادي
ولطريقه الويفي بالستريتنر اكتبي كذاا باليوتيوب
وبيطلع فيديوهات كثيرر
فيه حجم صغيرون البيبي ليس لكن لازم كهرباء ! قلت اذا اخترعو شي بطاريه خخ بشتريه اما كهرباء عادي ماتفرق احس ..
ينفع للشعر الرطب ، لكن انا اخاف خخ يعور قلبي صوت تشش الي يطلع فافضل اجففه بعدين استخدم الجهاز ،،
الاستشوار
من braun
هذا الي معتمدته ، وعموما انا ماستشور شعري ! ياتجفيف ياليس او ويفي يعني الاستشوار اصبح تحصيل حاصل للتجفيف
حرارته حلوه ، لكن الي تحب الاستشوار بدون ليس راح تحتاج شي حار اكثر
ملاحظات عامه !
١ : في حال طاح الشبك او الحديد الي يفصل المروحه عن الاستشوار ،
هذا اقصد
لو انفصل لاززم ترجعين تركبينه او تغرينه او حتى تشترين استشوار جديد ليش ؟
لان لو استشورتي والمروحه مكشوفه ، كل شعرك راح يدخل جوا ويتقطع ويتعقد ويخرب يومك
صارت لي وتنكدت مانفك الا بالمقص خخ
ملاحظه ٢ : انتبهي ع اجهزه الشعر عموماً وحاولي ماتطيح بالارض او تنخبط ليش !
لان لو ماخرب وصار بارد او مايحتر ، راح يسوي نتيجه عكسيه ويخرب شعرك
ومايعدم الاجهزه الا الطيحات الكثيره ،
ملاحظه ٣ : انتبهي للتوصيلات الكهربائيه ، كثير نقول ياااا اللستريتنر بالمحل حاارررر وبالبيت لا !
لان توصيلاتهم ممتازه ومباشره من الجهاز للكهرباء
عادي اشتري توصيله ب ١٠٠ . ١٥٠ ريال وتقعد معك طول العمر وتخدم كل اجهزتك ولا تشترين توصيله تجاريه ب ٣٠ وتخسرك كل اجهزتك
تلقون توصيلات ممتازه عن ساكو
التجاريه تخلي الجهاز يشتغل ويفصل كل شوي وكذا راح يخرب عليك ويعطل شغلك بالحراره العاديه
وآخيرآ
الدراي شامبو ،
اليمين سيء جددا ، تكلمت عنه بالبوست السابق
اليسار ماجربته لكن وفاء نصحتني فيه ، وقلت اقولكم اكيد بتحتاجونه بالاجازززه
من بووتس وفيه اكثر من ريحه ب ٣٠ ريال فقط
بكل ومساكات الشعر ،
اليمين تكلمت عنها من بوتس ،
والي كانه صحن صبغه من مهججه تجي ٥ بكل وامشاط وكذا ، مع شنطه
بلاستيك ، مررره ممتازه ماشاء الله من رمضان وانا استخدمها وقت الاستشوار وكذا وماشيه معي ب ١٠ ريال فقط
وبكذآآ اقولكم خلصت
يارب اكون افدتكم لو شووي
تجدوني هنآآآ
No comments:
Post a Comment
انبسط برآيكم واسئلتكم واقترحاتكم