Monday 27 January 2014

مشترياتي من دبي Dubai Haul



السلآم عليكم ورحمه الله وبركاته ..

يارررب انها كانت اجازه سعيده عليكم كلكم .. وبدايه ترم موفقه للكل يارب 

البوست اليوم كله صورر ، 

بسم الله نبدا ،

اول شي بقولكم انا كنت مخططه قبل اروح دبي اني باخد شنطه وكعب ومجموعه لورا مارسيه ، والباقي تشيير على قولهم يعني الي يعجبني باخده 

--

العطور 




عطر هند من هند للعود ، فروعهم كثير مثل انفاسك دخون وموجود قدام بلومينقديلز بدبي مول ،، بالسعوديه لسا مافي ريحته شرقيه مع لمحه فرنسيه ابد مو قوي ويخنق مثل بعض عطور العود ، جربوهم بيعجبونكم اكيد نظامه مثل باسم القاسم فيه عروض وهيك .. 




عطر flowerbomb
من 

VIKTOR & ROLF


هالعطر له قصه وحكايه ، بركن الازياء فدبي مول مسوين عرض حصري  لدبي مول على ٤ عطور واحد من لانكوم وواحد من فيكتور والباقين ماعرف مين ، ريحتهم شرقيه وفرنسيه ويحفرون اسمك ع العطر ، مادري ليش ماعطيناهم وجه ! ويوم نرجع الفندق نشم ريحه حلوه بالاكياس والشنطه واكتشفناا السر بس كنا بجده :( 

خالي كان هناك ووصيناه ومالحق يروح دبي ممول ، ودوره بالمطار واخذ لانكوم وهذا ، حقي ماطلع نفسه بس ساره ماشاء الله طلع من نصيبها لانكوم ونفسه الي شمته ، ريحته شبيهه جدا من بلاك اكس از لكن على اخف وفيها ورد اكثر ، بارد وينفع صباحي .. وواضح اني ماعرف اوصف ريحه 



مسك النخبه من اصايل العود بقسم دوله الكويت بالقريه العالميه ، عطورهم حلوه واسعارهم اجمل ، شرقي بحت العطر


نبدا بالخرابيطط الي تفلس الواحد وبس خخ


باصره 


متر 


قلم غريب شكله 


واضح اني عايشه دور السياح 


تدنن وفيه منها رجال 

الي فوق كلهم من محلات منتشره بدبي مول جنب السينما وقبال قوديفا وبمدينه جميره ، اظن اسمهم شركة الجمل 


نجي لكاندي ليشيز



احبه مرره ماستغني عنه ، مع اني افضل مايكون شفاف ، والي مو شفاف عندي منه 



تاق لشنطه السفر ، وابشركم انكسرت مع رقه الخطوط وهيك 




كوب نقدر نشرب كلنا منه ومايخلص خخ ، كبير مره ماشاء الله ، على فكره عندي هوايه تجميع الاكواب 



قلم راح يزين مكتبي مع الشله الي فوق ،، لان اشتري وماستخدم الا الي يجي ٤ الوان مع مرسام الضغاط 



مراسيم حبيتهم ، من محل جنب جس وكاندي ليشيز اسمه قمة البرج اظن ، كله اشياء حقت برج خليفه ، 

وميان الوان من المرسام بس حبيت هذولا .. اخوي يحسب الي فوق مساحه وشاد حيله يمسح خخ 


الريحهه بالضبططططط مثل الفل الصغير حتى نفس شكله سبحان الله كانك ماسكه الفل وتشمينه ، فواحه تتوزع باركان الغرفه صلبه مثل الصابون بس تفتحين الورقه وتخلينها ، صراحه ماحسيتها تفوح بس اقربها جمبي عشان اشم واستمتع 

من القريه العالميه دوله تونس ،، 



هالحلوين وحده بالانستغرام يوم سالت وش فيه شي حلو بالقريه العالميه قالت لي ، واقولها شكراااا مره الله يسعدك 

ريحه فضيععه وثابته ،، سوا المسك بريحته المعروفه ، وكمان زهره الحب نظافه وثبات ، 

من دولة تونس الجميلهه 





خخخ كل ماشوفه اضحك واقول انصب عليا ياقدعاان ، 

اول شي مره حبيت المحل كله ادوات منزليه كذا بالخشب ملاعق وصحون وكل شي ، واسعاره تقهر خخ 


المهم قعدت تقولي ذا الكاس من شجره زيت الزيتون لها ١٠٠ سنه ولازم تهتمين فيه وتزيتينه بزيت زيتون بعد ماتشربين فيه ، طبعا انا مايحتاج بهالخرابيط واخذته ، ومابحكيكم وش بيسوون فيني اهلي وانا ازيته خخ 

كمان من دوله تونس بالقريه العالميه 


حبيته بس عشان الغطاا ، من القريه العالميه دوله الصين ، ذكرني بهايدي وجدهاا 





شسمه صندل ولا شبشب ؟ الله يكرمكم 

من القريه العالميه دوله الهند 

طفى جوالي وانا هناك مافي شحن وقلت للمحل عادي تشحنه ، وشبكه يشحن وانا قاعده وطبعا مايصير يشحن جوالي وماشتري خخ 

وقعدت اكاسره لين صار شحن جوالي ١٠٠ هههههه ، المهم اخذته وناديت ساره وشرت وبعد كم يوم جاته صديقتي وشرت وكنت معطيتها حقي ابي اكبر ، قال ابددد ماشريتوه من عندي ، دقيت عليها واخذت اكلمه  قلت انا الي شاحنه جوالي ! وعرف < بوست سوواليف 




من السوق الحره بمطار دبي ، لصقات للرسم على الاظافر مع شريط نحيف مره ، من بورجوا وماعمري شفتها ببورجوا حقنا ، شفتوها ؟ 


باث & بودي وركز 



الواحد ب ٣ درهم ، حتى ماشميتهم صراحه ، اخذتهم لان دايم ينفشخون من مكتبي من اختي الصغيره فبخليهم قدامها عشان ماتلجأ لفشخ اشياء اخرى :( 



من جده وانا اشوف ان الشمعه الكبيره صارت ٢٣ واقول بدبي يانوره بتلقين ، ورحت وطبعا مالقيت الا الروايح الي تسد النفس وتكرهك بالساعه الي فكرتي فيها تولعين شمعه هههههه ، مالقيت الامانجو واخذته وقلت مو حسافه عليه ٢٣ ، ولمن حاسبت استغربت من الحساب قام طلع ب ٦٨ درهم ! وقلك فرحان الكاشير يقول كويس لحقتي ! من زين الريحه عاد خخ 



حبيبي هذااا ، اي وحده تشوفه قدامها نصيحه تشتريه لان كل مره هنا اسال يكون مخلص ، ناعممم على الرجل ومريح وعملي وحق كرف خخ ويقولون بالشيا لكن مالاحظت ترطيب لان ادهن رجلي وبعدها البسه ومكتوب تبقى الشيا لمن ٢٥ غسله ،، ب ٤٠ درهم 



كيوووت كل ماشوفهم احس بناام ومسوين عليهم عرض ب ٥٠ درهم 

من ورا شوفو شمكتووب 


مين تعد الخواريف قبل تنام ؟ خخخ انا كنت اقول لساره واحنى صغار  اني اعدهم ! تقول غبيه وماتصدق انه فيه ناس كذا ههههههه





 body & bath luxe quartet - ambre vanillé

من لورا مرسييه 


وش اقول وش احكي ؟ يحسسك بانوثه خخ والله صدق ريحه ونعومه وخلاص تبغين تنامين 

كنت بطلبه اون لاين بالكريسمس لقيته ب ٨٠ $ ومكتوب ليمتد ايدشن وخفت مالقاه بدبي ، بس صبرت والحمدلله لقيته وفرق السعر مو مره كبير ، ب٣٧٠ ريال 


سكراب للجسم وكميه قليله تقوم بالمطلوب ،


هوني باث مع الشي الخشبي الجميل ، شور جل يعني .. 



كريم السوفليه للجسم ، اسمه يكفي ، يمتصه الجسم بسرعه بعد الخطوتين الي فوق وكمان كميه قليله تكفي ترطيبه حلو والاجمل الريحه الي تبقى ،، 




شمعه مثل ريحه المجموعه ،، 

انصح فيها اي وحده تمل بسرعه ، الحجم ممتاز افضل من الحجم الاساسي الكبيرر الي تطففشين وهو ماخلص ، وموجود بروايحهم الاربع ،، انا بالعنبر والفانيلا .. 


متوفر بهارفي و بلومينق ديلز ، وبالسعوديه مافيشش لورا مارسيه 

فكتوريا سيكرت 












الاخيره ابد ماحشتني منيره تقول كانه لبس الخدامات ،، ويوم درت عن سعرها قالت يالا معليش خذيها هههههه بس والله حلوه باللبس .. 

اخدت ٤ بجايم وكان ودي اخد ٤٠ والله :(( بس ماشاء الله الحرييييم مايخلون شي كل شي مخلصص ،، 

وطبعا قلتلكم بالانستغرام عن فكتوريا سيكرت حقهم كيف يشبه حقنا بالضبط وابد ماتضيعين وسطه ولا ياخذون مقاساتكك ويدلعونك ولا شي :( حلفت مادخل فكتوريا سكيرت حقنا الا اذا جابو بجايم ،


جوسي كوتور






احسني لميعه وانا لابسته خخ وابد ماعطتني ساره النظره التشميقيه يوم شافته ،

معلييش بس دايم انا ساده وكم طويل ! قلت اجرب لميع خخخ وكم قصير


رالف لورين 


سويتر ندمت على لونه ، من اول لبسه قلب من العبايه للاسف :( وش فيه منظف ملابس ينفع لذي الاشياء ويرجع لونها ! 

نجي للشنطه والكعب







dior beige Leather Patent Detail Pumps






شرايكم ؟ 






عجزت اصوره زين ، موديله يبان بالرجل ، 

شرايكم فيه !


والشنطه 

Louis Vuitton alma bb MONOGRAM VERNIS AMARANTE 







سبب الاختيار ، تنلبس كروس  وتنفع بالمناسبات بدون الستراب ، اللون ماعندي مثله واحسه مميز مافي عند باقي البراندز زيه ، كان ودي باللون الروز لكن ابدد مانصح فيه اي وحده تبغى تلبس شنطتها دايمن ، شايفه ساره كيف بدا يقلب لون شنطتها الكاتالينا ، الاجانب نفسهم يقولون مانلبس الروز مع جينز فما بالك احنى مع عبايه ، 

مقاسها توقعته اصغر ومايشيل لكن ابدا الحمدلله يكفي بالراحه عطر وجوال ومحفظه وشنطه ميك اب صغيره ، 

الشنطه باللبس مع اختلاف اللون ، وهذا الروز الي اقصده 



وبقولكم نقطه ممكن البعض يستغربها ، استخيري الله حتى لو بشنطه ! والله ياجميلاتي اني شنطه احبها وحاطتها ببالي ودايمممم مخلصه ومستحيل القى لون حدايد ذهبي ، ورحت ولقيتها قدامي وخلاص باخذها وقعدت استخير واستشرت ماما وجاتني ضيقه وطلعت من المحل وماشريتها ! والحين مافي نقطه ندم عليها ، وسبحان الله دايم الاشياء الي استخير ربي فيها تطلع مبروكه وحلال فيها سعرها ، عادي وانتي بالمحل اقراي الدعاء وامشي بالموضوع وشوفي يتم او لا ،


وبس ياجميلاتي

الحمدلله اللذي بنعمته تتم الصالحات 


افرحح كثير بتعليقاتكم سوا بلوق او انستغرام ، وقولولي اش عجبكم اكثر ؟