السلام عليكم ورحمة الله وبركاته ..
يارب الكل بخير
بوست اليوم عن ارواج ويت ان ويلد ، سواتشات و الالوان البديله لارواج ماك ..
بسم الله نبدآآ
-
911D Stoplight Red
اللون جميل وعلى الشفايف يبان مات اكثر من الصوره ، وناسب لون بشرتي كثيرر
يعتبر بديل ممتاز لروج ماك ruby woo
وريفلون really red
-
918D Cherry Bomb
لون جدا رائع وعلى الشفايف غامق جدا مناسب للوك تان والسهرات ماتحتاجين سوا لمسات بسيطه لمكياج عيونك مع هاللون ..
بديل ممتاز ل :
ماك prince noir
الصوره الاخيره هو اللون الي يطلع ع شفايفي الي فوقها يبان مايل للاحمر اكثر ،،
-
968 Pinkerbell
هاللون ماناسب مع لون بشرتي اطلاقا يبين كانه في شي غلط بالموضوع مع اني كنت متحمسه له :(
وبديل لماك viva glam nicki
-
910D Red Velvet
هاللون وش اقول وش اخلي جمييل مره مره تحسين شفايفك قطعه وحده وفراااوله لا هو احمر ولا فوشي ريد فيلفت يجنن
خلصنا من الالوان الي جربتهاا ،،
نجي لتجربتي ::
الثبات ممتاز جدا جدا حتى مرات يطفش مايطلع فاسوي سكراب للشفايف ،
الباكجينق فاشل بجميع المقاييس للاسف :( ودي اقولهم ارفعو سعره شوي بس حسنو التعليب ! اول شي الروج لو انفتح احتمال كبير ماتقدرين تقفلينه خخ ثاني شي باي لحظه تنتظرين الروج ينكسر من فوق ، عن نفسي مافكر اني احطه بشنطتي احط بالبيت طبقه وامسح بمنديل بعدين ازيد طبقه واتوكل على الله .. احلى شي له تستخدمينه بفرشه
اماكن الشراء ::
اغلب التاجرات يوفرون ماركة ويت ان ويلد بسعر من ٣٥ الى ٤٠ ريال ،،
انا عن نفسي اشتريها من موقع درق ستور ب ١.٩٩دولار يعني ٧ ريال واقل بشوي بعد ..
يعني مقارنه بالسعر الاداء ججدا ممتاز اظنه ارخص من الروج السحري بعد خخ وحسب كلامهم يحتوي ع فيتامينات ان صدقو خخ
موقع الماركه
