السلآم عليكم ياجميلاتي
اليوم ان شاء الله راح اتكلم عن طريقتي فالفونديشن وتحضير البشره للميك اب ، مع كم منتج جديده جربتهم
الفتره الي راحت ٥ ايام من الاجازه كانت كلها مناسبات ماشاء الله ، وكلها تحتاج ميك اب متعوب عليه خخ ، وبشرتي كانت تعبانه قبلها باسبوعين فكنت خايفه عليها مره
بسم الله نبدآآ
اول شي الترطيييب ثم الترطييب
انا انسانه كنت اقول بشرتي منطقة التي زون دهنيه ! ليش ارطب ! مايحتاج !
وكل مره قبل الميك اب ٥ دقايق احط موسترايزر خفيف وابدا ميك اب ، بنص السهره انقهههر من !
الخدود الاساس فيها متشقق فيه خطوط ! تحت العين مو تمام الوضع !
لين صحيت على نفسي وبحكم الشتاء زاد الجفاف منطقة الخدود فجداا اهتميت بشي اسمه ترطيب
وش استخدم !
للخدود والجبهه
QV CREAM
ليش ؟
لانه خالي من العطور ، يحمي ويرطب بنفس الوقت ، طبي ، مايدبق ع البشره بس لاتكثرين وتقولين دبق خخ شوي شوي
وللبشره الحساسه ، يعني يناسب الجميع ، في حال مامداني احط الكريم استخدم سيروم فيتامين سي لان تمتصه البشره بسرعععه مايحتاج اصبر ابد ، بتكلم عنه فبوستات جايه ان شاء الله
للشفايف
فازلين وبعد بشكل خفيف مو كثيرر شوي بس
للاسفل وجفن العين
من بووتس ، قرآت ريفيوز عنه ناس تمدح جدا وناس تذم ، انا عجبني لانه يندمج مع البشره وتمتصه بسرعه مايبان لمعه وكمان عشان فيه SPF فينفع للصباح ، مع كثره الاستخدام يفرق فالخطوط تحت العين
-
الثلاث خطوات للترطيب كلها اسويها فالعصر مثلا وانا راح اتمكيج فالعشاء ، يعني 3 ساعات تقريبا قبل ماحط ميك اب ، والفازلين وانا احط الفاونديشن ازيد نقطه ع الشفايف ،
ملاحظه مهمه جدا :
انتبهو ياحلوين تاخذون من الكريم بيدكم ، خلقه اول ماتفتحينه بيبدا يتاكسد ويقرب عمره يخلص فما بالك تاخذين بيدك واظافرك اكيدد بيتجرثم ، حطي بقطن او اوعواد اذان ، صدقيني بتوفرين كميه كبيررره بينما لو بالاصابع نص الكميه بتروح ع الفاضي
بعد الترطيب
مرات احط برايمر بينفيت that gel احسه يرطب ويعطي اشراقه ، وينعم البشره ، وريحته جميله خخ كانها حلاوه وال packaging حقه عجبني خخ تقدرون تقولون الباكجينق يلعب دور كبيررر فاختياري للمنتج ، لكن لاتتوقعين منه سحرر لو لمعه
و احط بي بي كريم ، وكونسيلر بذكرهم تحت
او بيس شانيل مع بودره وكونسيلر وتغنيني عن البي بي كريم و الفونديشن هذا للطلعات الصباحيه والجامعه
واوقف لين هنا
لو للمناسبات اكمل التالي خخ
حالياً ستخدم هالفونديشين
تغطيه بورجوا اقدر اقول خفيفه لمتوسطه و ماكس فاكتور متوسطه
مرتاحه معاهم جدا ، لان قناعتي ان البشره مترطبه متغطيه تغطيه متوسطه ، متوحد لونها ، متغطيه العيوب الي فيها ، فخلاص مو لازم احط حرتي فالفونديشن خخ ابدا شغل بالعيون والكونتور والهايلايت
عارفه بيجي يوم بدور ع تغطيه قويه لكن ماجا لسا خخ
اطلبي عينات وجربي بالبيت واحكمي بنفسك قبل تشترين ..
كيف ادمج الفونديشن
بهالجميللله
البيوتي بليندر beautyblender
اقولكم وبكل صدق ! مادري كيف كنت احط فونديشن بدونها
رائعه
الحمدلله اختفت جدا الخطوط والاشياء الهبله الي كنت اشوفها بنص السهره ،
ليش ؟
لانه قبل الاستخدام تبللينها بالمويه وتعصرينها ، فتصير رطبه مو مبلوله
فتعمل ع ترطيب بشرتك مع توزيع ممتاز للفونديشين وتوصل لاماكن ممكن ماتوصل لها الفرشه تحت العين او حولين الانف ،
طبطبه تستخدم وليس مسح وهنا سر ترطيبها ،
الكونسيلر
للصباح والاشياء الخفيفه استخدم رول غارنييه ، مثل البي بي كريم يندمج بكل سهوله ويغطي الخطوط تحت العين
للاشياء الثقيله استخدم كونسيلر ماك mac studio sculpt concealer
الي يقهرني فيه قوامه ثقيل او سميك احب الاشياء السايله اكثر ، لكن تغطيته جدا ممتازه للي يعانون من هالات سوداء ،
بكذا نكون خلصنا من الترطيب ، والفونديشن و الكونسيلر ، بالنسبه لي ابدا بالكونتور والهايلايت
هالفتره استخدم ،
Sleek Face Form Contouring and Blush Palette
الي عجبني فيه ان الكونتور مافيه نقطه لمعه ولونه مناسب بشرتي ، للعلم فيه ٤ درجات
الهايلايت خفيف وقد ماتزيدين قد مايوضح معك ، وطبعا سهل توزيعه لانه مو كريمي
البلشر فيه لمعه ، حلو بشكل خفيف جدددا لو كثرتي راح وجهك لمبه حمراء ، يعني افضل استغني عنه ببلشر لون مشمشي بدون لمعه افضل ،
والحلو فيه حجمه حلو للشنطه ، ومرايته جدددا حلوه تشوفين كل وجهك خخ
سواتش
قبل اشتريه كنت استخدم بينفيت هاي بيم benefit high beam
لخدود مشرقه استخدميه خخ ، يلمعع ويبرز الخدود جدا ، لانه كريمي احس دمجه يطفشني شوي ، نقطه تكفيك وزياده لاتكثرين وتحوسين ، ماحسه ينفع صباحي اطلاقا
الي خلاني اقول ان توزيعه يطفش ويتركز فمكان، شفت صوري بمكياج للعيد ، بارزه الخدود وواضح المكان يمكن وقتها مادمجته زين ،
سعره مو خساره فيه لان مايخلص خخ له سنه وشوي عندي ،
وبكذا خلصنا
الحين بذكر ٣ اشياء جربتهم من NYX
اول شي
nyx lipliner cabaret
مره حبيته تخيلو انه بس ب ١٨ ريال ، بروح ان شاء الله اخذ اغلب الالوان لان مره احب الاقلام ، قبلها حطي فازلين وبمنديل اضغطي ع الشفايف عشان يخف الفازلين وبعدين ارسمي بالقلم وان شاء الله اضمن لك ثبات وبدون تشقق
سواتش
nyx eye pencil karat
كنت ادور كحل ذهبي ومالقيت غيره بوجهي ، مستحيل طبعا تكحلين فيه من جوا خخ من برا مع دمج يفي بالغرض المطلوب ، حاولت ادور صور كلهم مكياجهم مره خايس هههه
وسواتش للون
وآخيراً
nyx jumbo eye pencil strawberry milk
قبل اشتريه كنت ابي حق بينفيت لكن مرتين اروح دبينهامز مخلص !
مره حلو لمدمع العين وميزته يندمج بسهوله مايبان خط او شي مثل هيك ، يبان بالسواتش انه فيه لمعه لكن مره خفيفه ماتبان بالطبيعه ،
سواتش
وهنا استخدمته عن المدمع ، واغلب الي استخدمته فمكياجها من NYX
وبس ياجميلآتي
يارب البوست يفيد بعضكم ويعجبكم ..
واخيرا اقول الي يناسبني ويعجبني مره مو بالضروره يناسبك
لولا اختلاف الاذواق لبارت السلع
حبي لكم
اشوفكم قريب
لاي اقتراحات او اسئله
انا هناا
