Monday 27 August 2012

Empties تجاربي لمنتجات خلصتها




السلام عليكم ورحمه الله وبركاته


عيدكم مبارك جميعاً 


اليوم بتكلم عن الاشياء الي استخدمتها وخلصتها empties ، وهل برجع اشتريها او لا ووش البدائل الي فضلتها عليها

يارب تستفيدون وتستمتعون ، كنت بخليه فيديو يوتيوب بس للاسف الصوت مايسمح تعبانه هالفتره 







اول شي ، مزيل مكياج العيون من كلينك ، سائل شفاف زي المويه . يعطي نعومه غريبه مؤقته لين تغسلين ، ججدا فعال يزيل صراحه اصعب المكياج خخ سعره مو اقل من 110 ريال وناسيه بالضبط هل بشتريه او لا ؟ الجواب تحت 




شريت المزيل الي بالنص من مكياجي ب 45 ريال بينه وبين حق كلينك تشابه ككثير تقريبا يغنيك نسبيا مع الفرق الكبير بالسعر ،  سائل لونه ازرق . والي ع اليسار من كلارنس كريم مزيل انا استخدمه بعد مامسح عيوني احطه ع الوجه كامل ع امل انه يرطب شوي ويزيل الاساس والبلشر وبعدين اغسله ، بحاول ادور غيره مافيه زود 



مزيل المناكير من سيفورا ، الي ع اليمين ب 55 ريال واليسار ناسيه والله

ماراح اشتريه ليش ؟ 



لقيت ذولي الجميلين بمهجه = ابو ريالين 

الي ع اليسار ماجربته لسا ب 5 ريال 

والي ع اليمين اذا ماخاب ظني 3 ريال ويزززيل مرره تمام ماشاءالله 

طبعا يغنيك اكيد عن سيفورا ، الا لو حق سيفورا له فوائد للاظافر مثلا ذذ


لوشن رائع من كلين&كلير 

بس حطيه بقطنه مو منديل ، ومسحي رقبتك ووجهك تحسين يشيل كل الترااااب العالق خخ بعد قرف الجامعه وماشابه 

برجع اشتريه اكيددد يمكن لي 8 سنين استخدمه مايزيد عن 30 ريال بكل سوبر او صيدليه تلقينه 



السن ان ، للشعر

طبعا ليه اللون السماوي خخ ! لاني مالقيت الالوان الثانيه ابددد مالقيت غير ذا الرجالي وقال لي الصيدلي مايضر 

ب 40 درهم ولقيته بصيليه ثانيه 35 درهم 

لون شعري اسود غامق ولا عمري صبغته ، حطيته مرتين فقط ، صار شعري فيه لمعه البني ومع التصوير يبان بني طبيعي ، راح اكرر الاستعمال ان شاء الله

بس للاسف فيه مشكله مع المورد حق دبي ومخلص عندهم من يوم كنت هناك لين الحين وصيت قريبتي وبعد مالقت 

ينباع اون لاين من تاجرات اقلاع ب 60 ريال تقريبا 




مشقررر اعفن مايكون 

ماعمرها حواجبي صارت بشعه زي ماهو سواها

يخلي الشعره ثقيله وبعد يوم يقلب اصفرررر 

دايم اجرب جوليانا اظن اسمه كذا الي كرتونه ازرق ، ممممتاز وجد يغنيني عن الكوفيرات ، اما ذا توبه 






تونرر برجع اكيد اشتري ، احتاجه بعد اللوشن او لصقات الانف او اي شي عشان يقفل المسامات المفتوحه 






ماسكراا جفنشي الجميله ، 

جربت اللونين الاسود والموف 

الموف ججميل ماهو صارخ بس حلو مع الميك اب البرونزز 

السودا مرره قويه ماتطلع من العين بسرعه 

افكرر استغني عن الاسود ولو مالقيت موف حلو بالسوق بشتري الموف فقط 

السعر مو اقل من 100 ريال 




مليون ليشز 

نحط كل المسكرات ع جنب وهي ع جنب ، راااائعه ، الي رموشها تميل انها كثيفه صدقيني بتحسين كانك مركبه رموش 

ماشاءالله جدا روعه ، اظن ب 80 تنباع بسنتر بوينت وغيرره 





صابونه البابايا 

ب 7 ريال من سوبر ماركت النجمه 

طريقه الاستخدام لافضل النتائج : 

شطفي جسمك بمويه دافيه تميل للحراره ، حطي ع حسمك من الصابونه بدون فركك

اصبري مثلا 5 دقايق وبعدهاا افركي بالليفه ، وشوفي الابداع الي يطلع 

للمعلوومه يعشقونها الفلبينيات وشرق اسيا ، وشوفو اجسامهم كيف ماشاءالله صافيه 

للمعلومه الوجه تنشفه يعني الي بشرتهم جافه لاتحط ف وجهها

=

معلومه استفدتها من وحده مغربيه

وقت ماتفركين جسمك مو شرط بقوه بالليفه لدرجه يحمر الجلد !

اعرفي نوعيه جلدك فيه انواع ، مايحتاج الا تمرير بسيييط لليفه والعكس صحيح 







روج من مكياجي كولكشن صبايا 

الاغمق ، لونه مرره يعجبني رايق وصباحي ماستغني عنه بس صرت افضل الي تكون اكثر من كذا مات ومطفيه

الي ورا لونه افتح ماحبيته مره 


الغامق رقمه 24 وترى فاتح بس مقارنه برقم 14 




اخخخ يا اليانتوو ، اي وحده سافرت شرق اسيا اكيد لمحت هالماركه

رخيصه وعندهم الواان وافكار وحاجات جميله

من عرض المشتريات 3 بلشرات 

اثر شي استخدمته البني الفاتح جججدا حلووو ومتحسفه انه خلاص بيخلص 

اش تنصحوني لون بني فاتح او وسط للبلشر من اي ماركه ؟ 



هالشي قبل الفونديشن من شانيل  ، صراحه انا استخدمه لحاله فالطلعات الخفيفه 

يوحد لي لون البشره وسايل خفيف وفيه اس بي اف 30 

ب 217 ريال 





فونديشن ماك 

اممم احترت فيه كثير ، بس الحق ينقال ماناسبني ماحبيته احسه لزج وبطبعي مره احب الفونديشن الخفيفه 





هذا الشي الجميل ، ماسك للوجه 

من صيدليه بماليزيا ، الي تدل له طريق تعلمني مرره روعه ودورت هنا مافي  :( 

سائل لزج اسود ، تغسلين وجهك بالمويه وتحطينه بفرك بسيط وتتركينه 5 دقايق بعدين تمسحين 

تحسين بنقاااء جميل فالبشره 

اظن كان ب 40 رنقت 



وبس ياجميلاتي خلصت

اعذروني ع الاطاله بس احب اقول كل شي عن المنتج 

اذا عندكم اي اسئله او نصايح واستفسارات 


FOLLOW ME :

Instagram : @1993NORAH

TWITTER: @N_PHOTOGRAPHER



Monday 13 August 2012

التارت المالح




السلآم عليكم ورحمة الله وبركاته

كيف رمضان معاكم ؟

ياربي مو متعوده اكتب بدون رموز وفيسات خخ بس بتحمل شوي

بما انه وقت طبخخ لقيت شي مره سهل ولذيذ ويفك زنقات

باختصار هو 3 خطوات

1 : تشترينه جاهز من السوبر
2 : تجهزين الحشوه الي تحبينها
 3 : تحشينهااا وتقدمينهاا

لا فرن ولا عجن ولا شي

المنتج الفناااان هذا هو



للاسف مو متواجد بكل السوبر ماركات لقيناه بمتجر المستهلك بجده 

فيه نوعين مالح وحلو 

سعره 8 ريال تقريبا 12 حبه يعني ولااحلى من كذا مقارنه بالمجهود الي يطفش لو بتعجنين التارت بنفسككك 

هذا الي سويته انا ، الحشوه كانت دجاج وخضار ورشيت عليهم جبنه ودخلتها الفرن من فوق بس شوي 




وهذا رقم الشركه للي يبون يعرفون اماكن التوزيع بمدينتهم لانه جججدا غير متوفر 



ترقبووو التارت الحلو ان شاءالله 

شي سهل وجميل ولو بيجونك ضيوف فجآه يريحك جددا

وبس ياجميلاتي 

رايكم مرره يهممني ()